Arkitektu Txikiak

La Casa del Vacio, arte eta arkitektura eskolak, San Fermin Ikastolako Lehen Hezkuntzako ikasleei eskaintzen dien jarduera. Arkkiren ereduari jarraituz, haur eta gazteentzako arkitekturaren irakaskuntzan aitzindaria den eskola finlandiarrak arkitektura laborategiak ematen ditu. Haurrek birziklatutako materialak erabiltzen dituzte hiru dimentsioak lantzeko, eta maketak egiten dituzte eskala desberdinetan eta planotik bolumenera igarotzeko. Arkitektura kontzeptuak ere irakasten dira, geometria, matematika, ingurumena eta hirigintza, besteak beste.

Klaseek proben laborategi gisa funtzionatzen dute, eta saiakuntzaren eta errorearen bidez lortzen dira emaitzak. Saio bakoitzaren hasieran, kontzeptuak eskemen eta marrazkien bidez erakusten dira, erabiliko diren materialak azaldu eta lan-tresnak ematen zaizkie. Hortik aurrera, modu autonomoan sortzeko/asmatzeko gaitasuna sustatzen da. Haurraren kontzentrazioa sustatzen da espazioaren antolaketaren, irudien eta giro-musikaren bidez. Arkitektoen esku-hartzea ahalik eta txikiena da, ikuslearengan eragina duen soinu-banda bat bezala, ikuslea benetan horretaz jabetu gabe.