PROIEKTUEN AZOKA ARRAKASTATSUA LEHEN HEZKUNTZAN

Proiektuen Azoka arrakastatsua burutu zen ikastolan joan den martxoaren 21ean. Azoka honen helburua familiei ikasleekin egiten ditugun proiektuen berri ematea da eta, informazio hori, ikasleek eurek egiten dute, horretarako atontzen dituzten txoko ederretan. 

Honela, 2. mailako ikasleek, adibidez, iñauteriei buruzko proiektua aurkeztu zuten. 3. mailakoek zentzumenak izan zituzten hizpide, 4. mailakoak lokomozio aparatuari buruz aritu ziren lanean, eta 5. mailako ikasleek, berriz, Nafarroako ekosistemak aztertu zituzten. 

Guraso eta senide asko hurbildu ziren ikastolara eta, gai interesagarriak azalpen txukunen bidez entzuteaz gainera, primerako giroaz gozatu zuten denek elkarrekin.